課程内容/Class Description

全新手工倒模朱古力課程 - 【雙式手工倒模朱古力班】已經接受報名啦！課程除左教授朱古力調溫同理論，仲會同各位講解朱古力模具係挑選、保養、前置作業、裝飾上如何處理。 至於餡料方面就會同過往不一樣：一課裡面做兩款不同餡料。首先係【芒果熱情果棉花糖雙層夾心朱古力】，老師會將水果味啫喱餡料解構，再教各位整適合放入Chocolate Bonbon既熱情果棉花糖，構建雙層質感既夾心朱古力。其次，今次會加入Nut-based Praline既元素， 採用日本白芝麻，造出【黃金芝麻夾心朱古力】，打破你對果仁夾心朱古力既想像。 ---------- 課程時間：3小時 *注意：教室於上課15-20分鐘前開放。 課程內容： 【芒果熱情果棉花糖雙層夾心朱古力】 - 朱古力調溫技巧及理論 - 內餡做法、乳化作用及入餡溫度要訣 - 可可油及色粉裝飾技巧 - 朱古力倒模及封底技巧 - 雙層夾心製作要點及選材理論 - 熱情果棉花糖製作 - 芒果啫喱烹調 (示範) 及注餡要點 【黃金芝麻夾心朱古力】（**互動式實作） - 朱古力調溫技巧及理論 - 內餡做法、乳化作用及入餡溫度要訣 - 可可油及色粉裝飾技巧 - 朱古力倒模及封底技巧 - Nut-based 果仁類餡料製作要點 - 黃金芝麻餡料示範及製作 成品：每位學員可帶走【黃金芝麻夾心朱古力】12粒（教室指定模具）；以及21或24粒【芒果熱情果棉花糖雙層夾心朱古力】。(視乎學員所選模具而定)。朱古力可於15-20度下保存約1個月。 ---------- 包班人數下限：6位 【二人同行】追加導師費：HK$550/位 【一人雙份】追加材料費：HK$750/位