課程内容/Class Description

教室5月份起全新手工朱古力課程 -【熱情果焦糖雙層夾心手工朱古力】，現已上架接受各位各位朱古力愛好者報名喇～ 課程會教授各位基本使用噴槍同可可色油裝飾既技巧，各位會上手製作朱古力倒模以及封底，老師更加會手把手將製作此類立體朱古力既技巧傾囊相授。 至於餡料方面，採用全新熱情果焦糖為其中一個味道配搭，清新酸香配搭濃郁焦糖香氣，展現全新風格餡料；另一味道配搭為黑朱古力Ganache，帶俾各位雙重質感。 至於課程重點之一，係教授製作立體造型同基本縫合朱古力技巧，各位仲會學到使用特別配備既模具同支架，再施以巧手做出獨特造型。 如果希望日後參加深造班既朋友，亦可以透過參加呢一班作為基礎，取得深造入場券，咁樣係講求大量使用噴槍既深造班裡面更得心應手。 ---------- 課程時間：4小時 *注意：教室於上課15-20分鐘前開放。 課程內容： - 外殼及噴槍裝飾造型 - 朱古力倒模及上色技巧 - 大理石調溫 - 朱古力封底技巧 - 熱情果焦糖餡料製作 (示範) - 黑朱古力 Ganache 製作 - 組裝以及外殼造型製作 - 模具及支架使用技巧 成品：每位學員可帶走21粒朱古力成品；朱古力可於15-20度下保存約1個月；連指定包裝。 *注意：為配合是次課程內容, 噴槍中使用之可可色油顏色將不設自選。 ---------- 單人費用：$1580/位；二人成班。 （*報名學員須曾經參加任何由本教室舉辦之倒模朱古力班/課程，我們會在接到閣下報名後核實。） 包班人數下限：6位 *請注意，此課程不設【二人同行】及【一人雙份】。