課程内容/Class Description

手工雪糕世界其實好廣闊，當你以為基底食材來來去去只有一種，其實仲有好多類型既雪糕基底同食材配搭，為左同各位一探究竟，教室已經推出全新既【手工水果風味雪糕研修班】喇～ 全新課程與以往雪糕班既不同，今次老師會以水果為主題，教各位製作 Yellow Base 雪糕以外既其他兩個雪糕類型，豐富各位對於手工調配雪糕既技巧同理論。 ---------- 【士多啤梨大黃醬手工雪糕】：全手工製作White Base 「無蛋黃」水果風味雪糕，利用甜點界最經典既 - 士多啤梨配大黃(Rhubarb)，營造酸甜平衡風味 ，無論係大人同小朋友都非常喜愛既味道。 【日式柚子清酒乳酪雪糕】：除左White Base 雪糕以外，是次課程仲會由老師親自示範點樣使用家庭式雪糕機，製作充滿日式和風既【日式柚子清酒乳酪雪糕】。教室採用來自日本高知縣既柚子以及純米大吟釀級別清酒，融合濃郁既天然乳酪，交織淡雅而清新既水果風味。 【士多啤梨杏仁金寶撻】：經典甜品變奏曲，採用新鮮士多啤梨，製作杏仁忌廉餡料（Almond Cream）；特別配制杏仁金寶 Almond Crumble， 減去當中麵粉以及低牛油成份， 同樣鬆脆可口，加上本來就鬆脆非常既撻底以及手工雪糕，簡單輕鬆造出一份完成度極高既餐後甜品。 ————— 課程時間：3小時 *注意：教室於上課15-20分鐘前開放。 課程內容： 【士多啤梨大黃醬手工雪糕】（實作） - 材料挑選要點 - 解構 White Base 與 Yellow Base 手工雪糕食譜調配不同之處 - 研習以水果製作手工雪糕 - 實作烹調雪糕漿 【日式柚子清酒乳酪雪糕】（示範及現場試食） - 乳酪雪糕食譜調配 - 家用雪糕機使用要點 - 乳酪雪糕材料挑選要點 - 示範雪糕烹調及溫度控制 - 示範使用雪糕機 【士多啤梨杏仁金寶撻】（實作） - 撻皮製作 - 杏仁忌廉餡料 (Almond Cream) 調配及製作 - 杏仁金寶 (Almond Crumble)製作 - 組裝以及烘焗要點 成品：每位學員可帶走 【士多啤梨大黃醬手工雪糕】 6杯、【日式柚子清酒乳酪雪糕】（課堂示範及即堂試食），以及【士多啤梨金寶撻】1個（5吋）。 ---------- 單人學費：$1080/位 包班人數下限：6位 【二人同行】追加導師費：HK$420/位 【一人雙份】追加材料費：HK$680/位。 ***注意雪糕班特別安排：課堂一律不接受調班，同時不設任何退款機制。